Opisyal na kinupkop ng Duterte-backed PDP Laban sina Senator Imee Marcos at Las Piñas Representative Camille Villar bilang guest candidates sa senatorial slate nito para sa May 12 midterm elections.
Inanunsyo ito ng partido nitong Sabado, sa huling araw ng 90-day campaign period para sa senatorial at party-list candidates.
Sa resolusyong ipinalabas nitong Sabado ng gabi, sinabi ng political party na pinamumunuan ni dating Pangulong Rodrigo Duterte na “there is a need for more allies to protect the Vice President against impeachment.”
Personal na inendorso ni Vice President Sara Duterte sina Marcos at Villar.
Binigyang-diin din ng PDP Laban na “practical” para sa kanila na magkaroon ng 12-person senatorial lineup.
“[T]hrough their commitment to national interests, advocacy for social justice, and pursuit of meaningful reforms, has exemplified the principles and values that the PDP upholds, thereby qualifying [them] as a deserving and credible candidate[s] to be endorsed by the Party for the upcoming elections,” saad sa resolusyon.
Isinagawa ng PDP Laban ang miting de avance nito noong May 8, kung saan ipinanawagan ang suporta para sa 10 inisyal na kandidato nito:
- Senator Bong Go
- Senator Ronald “Bato” dela Rosa
- Sagip party-list Rep. Rodante Marcoleta
- Atty. Jimmy Bondoc
- Atty. Jayvee Hinlo
- Atty. Raul Lambino
- Atty. Vic Rodriguez
- Dr. Richard Mata
- Philip Salvador
- Pastor Apollo Quiboloy
Source: https://remate.ph/imee-marcos-camille-villar-swak-sa-senate-slate-ng-pdp-laban/
