Inendorso ni Samahan ng Industriya ng Agrikultura (SINAG) President Rosendo So ang senatorial bid ni Camille Villar dahil ang patuloy niyang suporta sa pagpapaganda ng agrikultura ay napakahalaga sa farming sector.
Sa kanyang pangangampanya sa ilang bayan sa Pangasinan noong Huwebes, nangako si Villar na gagawa siya ng mga panukala na magsusulong na agriculture at livestock industry.
Binanggit pa ni Cong. So ang malasakit ni Villar sa kapakanan ng mga magsasaka at mga poultry at livestock raisers, katulad ng kanyang magulang na sina dating Senate President Manny Villar at Sen. Cynthia Villar.
Binigyan ni So ng kredito ang mga Villar sa pag-apruva ng Anti-Agricultural Economic Sabotage Law o Republic Act 12022, na nagkaklasipika sa agricultural smuggling, hoarding, profiteering, at pagkasangkot sa cartel bilang “acts of economic sabotage”.
“For the past years kasi, ang farming sector, pag may kailangan, hindi lang ang nanay niya, si Senator Cynthia Villar ang pinupuntahan, pati si Camille. Ang batas kasi kailangan i-daan sa Kongreso at sa Senado. Talagang very supportive si Camille pagdating sa agriculture, lalo na pagnakaupo na siya sa Senado,” sabi ni So.
Nangako naman si Camille Villar na susuportahan niya ang mga panukala tulad ng pagbubuo ng Livestock, Poultry and Dairy Competitiveness Enhancement Fund. Ang panukalang ito ay katulad ng multibillion rice fund o Rice Competitiveness Enhancement Fund. (Dindo Matining)
Source: https://tnt.abante.com.ph/2025/04/04/agri-sector-inendorso-kandidatura-ni-camille-villar/news/
