Pinasalamatan ni Camille Villar si Bohol Governor Aris Aumentado dahil sa pagsuporta sa kaniyang senatorial run.
Sa kaniyang kampanya sa Central Visayas, muling iginiit ni Villar ang pagsulong ng kaniyang adbokasiya para sa kapakanan ng Overseas Filipino Workers (OFWs), mga kababaihan at mga bata at ang pagpapalakas sa small and medium-sized enterprises, infrastructure, housing sector at edukasyon.
Binigyang-diin din niya ang kahalagahan ng pagpapaganda ng resources at manpower sa lokal na turismo bilang daan sa pagpapalago ng ekonomiya at paglikha ng oportunidad na trabaho para sa tao.
Binanggit pa ni Villar kung papaanong naging world tourist destination ang Bohol dahil sa coral reefs at kakaibang geological formation partikular ang Chocolate Hills.
Ipinagmamalaki rin ng Bohol ang kanilang Loboc River Cruise, Hinagdanan Cave at ang pambihirang karanasan sa paglalangoy kasama ang mga whale shark at snorkelling kasama ang mga sea turtle.
Pinasalamatan din ni Villar sina Vice Gov. Tita Baja, Board Member Nick Besas at 3rd district Bohol Rep. Kristine Alexie Besas-Tutor sa kanilang mainit ng pagtanggap nang bisitahin niya ang lalawigan. (Dindo Matining)
Source: https://tnt.abante.com.ph/2025/04/16/camille-villar-inendorso-ng-bohol-governor-local-execs/news/
